આગામી તેલંગાણા વિધાનભાની ચૂંટણી માટે ગદ્વાલમાં નેશનલ હાઇવે પર ડ્યૂટી દરમિયાન પોલીસ અને ચૂંટણી પંચની ટીમને અડધી રાત્રે શાનદાર ડ્રામા જોવા મળ્યા. ટીમને નેશનલ હાઇવે પર ચેકિંગ દરમિયાન એક ટ્રકમાંથી 750 કરોડ રૂપિયા કેશ મળી આવ્યા. એ જોઈને પોલીસ અધિકારીઓના પગ નીચેથી જમીન સરકી ગઈ હતી. જ્યારે ચૂંટણી અધિકારી આ બાબતે કાર્યવાહી કરવાના હતા, ત્યારે જ હકીકત સામે આવી ગઈ અને તેમને ટ્રકને છોડવો પડ્યો. ચાલો તો જાણીએ કે આખરે મામલો શું છે?
ગદ્વાલથી પસાર થતા નેશનલ હાઇવે સામાન્ય રીતે તસ્કરો માટે ખૂબ કુખ્યાત છે. દિલ્હીમાં તેલંગાણા ચૂંટણી કાર્યક્રમની જાહેરાત કરવા અગાઉ હૈદરાબાદની પોતાની હાલની યાત્રા દરમિયાન મુખ્ય ચૂંટણી કમિશનર રાજીવ કુમારે રાજ્ય ચૂંટણી અધિકારીને ગોવા અને અન્ય સ્થળોથી હૈદરાબાદના માર્ગે તસ્કરી પર અંકુશ લગાવવા માટે નિર્દેશ આપ્યા. તેઓ રાજ્ય પોલીસ દ્વારા ઓછી રોકડની જપ્તિથી પણ નારાજ હતા. વિપક્ષી પાર્ટીઓની ફરિયાદો બાદ ચૂંટણી પંચે ઉચ્ચ IPS અધિકારીઓ, કલેક્ટરો અને વરિષ્ઠ અધિકારીઓની બદલી પણ કરી દીધી.
ચૂંટણી પંચ દ્વારા સખત વલણ અપનાવ્યા બાદ રાજ્યમાં ચૂંટણી ડ્યૂટી પર ફરજ બજાવતા કોઈ બેદરકારી રાખવા માગતા નથી. આ જ કારણ છે કે ગરબડીની આશંકાના કારણે મંગળવારે રાત્રે પોલીસની ટીમે એક ટ્રકને નેશનલ હાઇવે પર રોકી લીધો. ઘટનાની જાણકારી આપતા તેલંગાણા પોલીસના નોડલ અધિકારી સંજય કુમાર જૈને જણાવ્યું કે, ચેકિંગ દરમિયાન ટ્રકમાંથી 750 કરોડ રૂપિયાની રોકડ મળી આવી. આ અંગે એક્શન લેવા માટે ચૂંટણી અધિકારીઓને ગદ્વાલ પોલીસની સહાયતા લેવી પડી.
થોડા કલાકોના સસ્પેન્સ બાદ આ મામલો કોઈ પણ હલચલ વિના શાંત થઈ ગયો કેમ કે ખબર પડી કે આ રોકડ યુનિયન બેંક ઓફ ઈન્ડિયની હતી, જેને કેરળથી હૈદરાબાદ લઈ જવામાં આવી રહી હતી. બુધવારે તેલંગાણા મુખ્ય ચૂંટણી અધિકારી વિકાસ રાજે એક નિવેદનમાં કહ્યું કે બેંક અધિકારીઓ સાથે પુષ્ટિ કર્યા બાદ ટ્રકને આગળની યાત્રા માટે છોડી દેવામાં આવ્યો. 750 કરોડ રૂપિયાની રોકડવાળો ટ્રક કલાકો માટે ચર્ચામાં રહ્યો, પરંતુ અંતે અમને ખબર પડી જે એ સીધો સીધો ચેસ્ટ ટૂ ચેસ્ટ મની ટ્રાન્સફર હતો. એક વખત ખરાઈ થયા બાદ પોલીસે ટ્રકને પોતાની યાત્રા ચાલુ રાખવાની મંજૂરી આપી દીધી હતી.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment